Intenso programa do Lvcvs Cvltural 2014
O I Encontro de Cidades Augusteas da Gallaecia abrirá un intenso programa do Lvcvs Cvlturall 2014. A Concelleira de Cultura, Xuventude, Turismo e Promoción da Lingua, Carmen Basadre, presentou as actividades culturais previas ao Arde Lucus, o Lvcvs Cultural, que se celebrarán entre o 26 de abril e o 11 de xuño.

Consulta a nova completa »
Os días 13, 14 e 15 de xuño de 2014, un fenómeno máxico apoderarase de novo de cada recuncho da nosa cidade, transformándoa por completo, enchéndoa de personaxes ancestrais que xa non deberían camiñar entre nós. Velaí está a maxia do Arde Lucus, en retroceder no tempo para gozar do noso legado cultural e histórico en primeira persoa. Mergúllate connosco na vida de Lucus Augusti, destacada urbe e unha das capitais administrativas da Gallaecia romana, e percorre o seu recinto amurallado, onde gozarás dun pasado máis vivo ca nunca.